Tlangval pakhat nih nungak pakhat sinah kei cu,”nangmah i na (BF) ka a si” a ti.
(FB) cu “zei dah a si?” tiah lungawn`awm nawn in nungak nu nih cun tlangval pa cu a vun hal.
Mirh nawn in tlangval pa nih,”(FB) cu, “Best Friend” (hawi `ha bik) tinak a si” tiah a leh.
Caan tlawnpal hnuah tlangval pa le nungak nu cu aan i duh..
Tlangval pa, “keimah cu nangmah i, “na (BF) ka si” tiah nungak nu a chimh `han”.
Nungak nu, “zei dah (FB) ti cu a sullam a si”? tiah tlangval pa cu a hal `han.
Tlangval pa, “nungak nu khabe kha din nawn tein a vun tongh piak pah khin (BF) sullam cu, “nangmah i na Boy Friend (na tlangval) ka si” tinak a si..
Caan tlawnpal an tlonlen hnuah an i `hi-um i, fapa te zong an ngei cang.
Ruahloin, an nu kheng-bel  a `awl lio khin, kan nu kei cu, “nangmah i na
(FB) ka si” tiah an pa nih cun a vun ti `han..
An nu, “kan pa (BF) cu zei dah a sullam a si? tiah hngalh duh ngaingaimi muisam khin an pa cu a vun hal `han..
An pa, “(BF) ti cu, “Baby’s Father” (hngakchia a pa)  tinak a si” tiah an nu cu a leh `han..
             Kum le caan hna cu aho dawi bang nikhat hnu nikhat in an vun liam hluahmah. Nupa hna zong caan sin ah cun an kum-khua zong a vun a liam  riahmah ve i tar nu- tar pa lei an vun panh ve cang..An sam par in an hahmai zong tlongh dih aa zaal cang..
             Nikhat cu zaanriah an dum `i hnuah, an inn pawng park (pangpar-dum) an lam an leng `i..An tha a bat pah ca ah tonak sau pi cung ah an vun thu i an nu cu an pa el a vun i tlinh pah cun a thabat cu aa dinh..
            An nu biang cung i a tlami a sam phen piak pah khin an pa nih cun, “kan nu nang cu keimah i ka (BF) na si” tiah din nawn te khin a vun chimh `han..
An nu cu zialmal te khin an pa elzim cung cun a lu a vun phawh i kan pa, “zei dah (BF) cu a sullam a si?” tiah a hal `han..
An pa, “(BF) a sullam cu, “Be Forever” (Zungzal In) na ta ka si tinak a si” tiah an nu biang-ki cu din nawn tein a vun muai piak pah cun a leh..
Note: Nang ta aho dah na (BF) a si ve? Kei cu (BF) kaa kawl lio a si.
 
By Thomas Van Nawl Bik