1. CCYC Former President  a rak si mi le a tu lio ah CE Superintendent a `uan lio mi Sayamah Thin Hnem Sung (Sungte) le CCYC i EC member (chungtel) pakhat a si mi Leng Van Iang Hnem (Hnmhnem) hna cu ruah lo i immigration nih monday, july 6, 2015 (3:6 pm) ah an tlaih hna i, thueday, july 9, 2015 (5:45 Pm) ah kawlram leiah an kuat hna..
            Minung lei sinak cun kan siang hrim hna lo, nain Pathian nih an ca hrangah khuakhanpiakmi a um ko lai, “Tawhfung um lo in tawh cu ser a si lo bang; Pathian nih a tu lio i kan tonmi lungfahnak le ngaihchaitnak hi sullam ngei lo in a kan tontermi a si lai lo timi ruahchannak he taantakmi cu kan rak i hnem”.
            Khawika hmun nan pahknak paoh ah le nan umnak paoh ah CCF Korea i nan tlawnlen ning bantuk tein Pathian `ih bu le nan hawi nu le hawi pa sinah bochan tlak tein um khawh peng i zuam u law nan tuahmi kip ah Pathian nih thluachuah in pe ko hna seh tiin mah ka senri cazual hin kan in sianlonak hna le bia kaan in cah hna..
2. Tuesday, july 9, 2015 (2:36 Pm) ah Rev. Tan Ceu Thang le Sayamah Ni Hniang Par nih Pathian sinin fanu rosung Gloria Van Cer Thuam cu  Mary Doty Hospital ah a kan ngeih piak…CCF ah member pakhat kan karh `han. Thluchuah a kan petu Pathian cung ah kan i lawm. Fanu dawhte a ngeitu hna Saya Ceu le Sayamah Hnianghniang kan in lawmh pi tuk hna..Nan fanu Gloria a lamthluan ah Pathian nih lam hruai in um pi hram ko seh.
3. Tuesday, june 30, 2015 ah sehzung a rian `uannak ah a awtlei ban fak ngai in aa khawngsualmi Pu Duh Tling Mang cu tuesday, july 2, 2015 ah a umnak Kwangmyeong Sawngnae Hospital in a chuak cang..Monday, july 15, 2015 khi a ban an `hitnak phawih piak diang a si ca ah tlangtling tein an phawih piak i damnak taktak zong a hmuh zau i, a rian zong `ha tein a `uan khawh zaunak hnga thlacamnak in bawm rih hna u sih..
4. CCF chungtel a si mi Leng Eden Thar hringtu a pa i a nau hniang bik Pu Lal Hngeng Pui kum 48 nih Mizoram Aizawl ah wednesday, july 6, 2015 ah mual a kan liam tak..Pu Lal Hngeng Pui hi tefa 3 a ngeimi a si i Aizawl khuasa an si. Taktakmi cungkhar, cingla vialte nan ngeihchiatnak CCF nih mah ka Senri Cazual in  kan in hrawm pi ve hna..