By Thomas Van Nawl Bik

CCYC nih kum khat i voi khat te kan i ngeihmi kan hnianghrawm pi cu (Ainns World) ah Sunday, July 5. 2015 ah nuam taktak in kan tuah khawh..A kal khomi minung 18 kan si i, cu chung ah cun nungak minung pathum ~in`in, Zingzing le Siampui an si. Cun kan CCF Pastor Ceu Sang Kung zong nih a kan tel pi khawh i a cung ah lunglawmhnak tampi kan ngei.

CCYC Hnianghrawm a kal khomi
Chin House in mi tam u cu CCYC kan president motor in suimilam 9:00 am in kan i thawh i a hmun kan va phak cu 9: 25 am hualham ah kaan phan.Kan hawi le cheu khat kan hngak pah in ngaidul hmunhma rem deuhnak kan vun kawl i 10: 00 am ah devotion tawite kan ngei kho..
                 Kan devotion cu kan CCYC Vic. Pre. Roland Van Lian Thawng nih a kan hruai i, Val Bawi Cung Lian hramthok thlacamnak in kan caan cu kan thawk..Zapi dir in Khrihfa Hlabu 41 nak “PATHIAN CU THANG~HAT SI KO SEH” (To God be the glory) timi hla kan sak dih hnuah kan caantlaitu nih kan hnianghramnak a tlamtlin khawhnak nga thazaang chuah in zaanghlei a cawimi hna le aa telkhomi hna pakhat cio cung ah lunglawmhnak a chim hnuah, CCYC kan president Pu ~uan Sang nih minute 4 hawng forhfelnak le thazaang peknak a kan ngeih khawh, kan Chin house in kan i thawh lai kan ti ning in kan i thawhkhawh lo ca ah sik kan i huah- hmailei lungfimnak ca ah hmang hram hna usih…Cu hnuah Dr. Ceu Sang Kung nih Timote nunnak hmang in caan tawite Pathian bia in thazaang peknak a kan ngeih khawh hnu in kan caan cu Saya Duh Lal Lian thlacamnak in kan donghter hnuah Val Naing Myin Htun nih kan tirawl ca ah thla a kan cam piak…
            Kan tirawl kan vun sah meh kan suak lai ka ti cu kan mehbel kenmi kan rak i palh diam, Voksa rak ken dingmi kha cawmpeisa a rak si diam, nain “dawtnak umnak hmun ah cun zeizong te aa rem i a thaw” an ti bang biasawng tlorh pah in khimte, kathaw te le thanuam tein kan ei dih cio hna.. Cu ti cun caan khatnak cu kan dih i (Ainns World) kutkaa lei ah kan i mer `han hna. American System an ti i minung pakhat 10000 won cio an vun kan kholh i kan CCYC president nih luhnak tiket a vun kan cawk piak.
A chung kan vuh luh cu a ropui ko.
Gate (kutka) in kar li/nga kan vun kar khin France (Effel Tower ) pi nih nan dam maw? hei ti ruam in a rak kan don.. A chel ah China (Great Wall, Beijeing) ah hlah maw kan i chawh len rua kan ti lo ah Malaysia (Petrona Towers, Kuala Lumpur) innsang pi tang hna kan vun phan. A chel ah Pu Obama Inn rang pi (White House, Washington D.C) hna ah kan va leng, hmanthlak zong angah i ceilak kai selfie ve heeee capo.. India rammi nih cun an i uanthar ngai vemi (Taj Mahal) pi zong kan vun pal pah khawh, cu ti cun ni linh le khua al hmanh hngal lo i suimilam caan tawite chung ah vawlei cung khuaza ram kip kan cul dih ti awk khin kan i ruah. American (Times Square, New York City) tangah group hmanthlaknak kan ngei hna i, kan cung ninu zong. van lai ah a vun her thluamah cang ca ah kan cim rih loh kan ti na `ualmal in CCF biakruun lei panh in (Ainns World) pi cu 1:00 pm ah chun `ha chung law kan i tong `han te lai kan ti i kan hnulei kan chit taak…

Hmanthlak zohnak: 2015 CCF- CCYC Hnianghrawm