South Korea cungkai ah a pakhatnak a simi Kim Ja-in nih tluang tein meter 555 sang Lotte World Tower cu a kut hnih lawngin a kai khawh. Seoul nichuah-thlanglei ah a ummi Jamsil inn Korea ah a sang bik a simi cu Kim nih suimilam 2 le minutes 29 le second 38 chung bak ah a kai khawh. Runvennak tampi aa ken nain a ke domhtlaihtu ca ah zeihmanh aa ken lo.

Hi zuamnak ka tuahnak thawng hin ka miphun pawl nih zuam duhnak an ngei ve lai ti ruahchannak ka ngei tiah Kim nih inn sangpi a kai khawh hnu ah a chim.

2009 thawk in, Kim nih hin voi 25 International Federation of Sport Climbing World Cup ah teinak a hmuh cang i voi 11 bak Asian championship a ngah bal. 2013 lio zongah khan meter 128 sang KNNT Tower in Busan ah a rak kai i meter 84 sang Lotte Department Store in Myeong-dong, Seoul ah a rak kai bal fawn.

Kim hi a ra lai mi 2020 i Tokyo ah tuah dingmi Olympics ah aa zuam ṭhan te lai. Hi ti cungkai zuamnak hi Olympics ah a um bal lomi a si i 2020 khi a voi khatnak an tuah a si lai.

Ref. The Korea Herald