Rooney Thawng, Busan

Ton ṭhannak caan ka hngak
Chunzaan tin in
Caan nih zeitik chuahpi hnga
Hmuhton ṭhan ding.

Ni a liam ,fidi an tla
Fingrei a cat ni dang kel in
Hnu hmai kaa her
Ho mit ka tong ti lo
Khuptangṭial hni he nan tlau
Zerhpi ni fatin kan hlam
Mitṭial rem (Mai )
Merh zimziam in na lu na suk zaan
Kan i ton hnuhnung bik ah a cang.

Na phuan, hna hram na biathli
Hnathlam ka theih fatin
A luang mitthli ka thin laifang tiang

Ka zuang vankil ah
Mitthli phurtu khuadawm
Na za samh law “mitṭial rem”
Na tonghmi ruah fang kha
Fur tla ruah men ti lai ci
Ka zuun Zualko an si khah.
Kan ngai tuk cang.