Salai Zung Lian

Hlammi ka ngei ti cu ka hngalh
Ka hlammi bel ka fiang set lo
Taksa a ngong lungthin a cawl
Ka hmai kaa phiah ka fiang hlei lo
Hmuh khawh lomi lungthin tu nih
A rak hngalh diam sungkhun hnakruh.

Tahchunh tawn hna sui kut hrolh in
A hlun deuhdeuh a tleu deuhdeuh
Hliah a um loh ri a ngei loh
Harnak chungin a tak a lang
A fekfuanmi chungkhar tlaihtleng
Si hram seh ti’n thlaza kan cam.

Sichiatnak le siṭhatnak ah
Ngaihchiatnak le lunglawmhnak ah
Zawtfahnak le ngandamnak ah
Sidar thing bang a hram thla in
Dawtnak ruun inn ser usih law
Pathian hmai le mipi hmaiah
Lungthli kan tum kan biakam bang
Nun hrawm usih Jesuh bia cah.