A hmun lomi hi leicung ah
Chikhat chung te khual ka rak tlawng
Nangmah philh in lung duh ka phai
Duh an tling lo minung ruahnak
Ka ruat ṭhan tawn na vel sung hi
Kei ka ca ah an sunglawi dah.

Khuaza ruat in fingtlang ka cuan
Muihnak chungin ceunak lam ah
Khuazei in dah ka chuah kun hnga ka ti
Nang sawm lo in chuah kaa zaal tawn
Ka rak hngal lo nang sin lawngin
Duhdim nunnak hmuh khawh ti hi.

Ka zaang a ba, nunnak kong ah
Nang sawm lo in, chim phoih kaa zaal
An chambau ee kei ruahnak hna
Hmanhseh, na ka philh lo kei michambau
Cerlian ninu bang khin kei thinlung ah
Ruahchannak ṭha ni bang a tlang.