I. A hmasa bik Missionary hna le an rian ttuannak
1. A hmasabik Missionary hna
1884 – 1885 avoikhatnak missionary an phak  hlan ah hin Korea ah Khrihfa an rak um cang. 1884 ah Presbyterian Khrihfabu nih Dr. Horene N. Allen cu a pakhatnak bik missionary ah an rak thlah. Mah cu kum ah cun Methodist Episcopal Church nih Dr. and Mrs. W.B. Scranton le Rev. and Mrs. Henry Appenzellar hna zong a hmaisa bik Missionary ah an rak thlah ve hna. Cun 1885, April 5 ah H.G Underwood zong Missionary rian ttuan awk ah Henry G. Appenzeller te he tilawng an ra tti. Cu hnu cun 1884-1896 tiang ah ramkip in Missionary tampi hna an rak phan. American ram in Khrihfabu dang cio nih Missionary cu an thlah ve hna. Cun ramdang kip in Presbyterian Church, Methodist Episcopal Church, Canadian Baptist Church, Church of England le Canadian Presbyterian Church hna nih an vun thlah cio ve hna.
2.  Anrian tuannak (Their Works)
a.  1884 ah Dr. Allen cu Seoul a phan. A phanh bak in Prince Min timi Siangpahrang fapa nih a mi zumhmi le zohkhenh nak ah a thlah colh. Cun 1885 ah Dr. Allen nih Korea ram ah ahmasabik General Hospital cu Kwawnghyewon ah a tuah.
b.   1885 ah , H.G. Underwood cu Korea a phan. Korea Bible lehnak ding ca ah committee lutlai rian a ttuan piak hna. Bible Society le YMCA, Kyeon Sin School, Yeon Hee School hna  a dirh pi hna. Chan Yang Ga le Khrihfa Thawngpang (Christian News) thanhnak kha a chuah (published) piak hna. Cun Sae Moon An Church zong a dirh.
c.  1886 ah, Mr. Apenzellar Methodist Missionary nih a voikhat nak pa hngakchia sianginn (Paejae Haktang) timi a rak dirh. Cu hnu cun Presbyterian missionary pawl hna nih an vun zulh i, sianginn dang tampi hna an vun dirh. Cuticun, Severance Union Medical College zong 1904, Seoul ah an rak dirh. 1910 ah cun missionary pawl nih sianginn 800 hrawng an dirh i, cacawngmi 41,000 renglo an hung si.
  1887 ah Rev. John Ross, Manchuria Missionary (Scotland Presbyterian Church),le Yi Ung-chan, sii leiin chawlet (merchant) le cathiam nih korea an phanh hlah deuh ah Luke thawngttha 1883 ah arak leh. 1886 ah hin NT cu a leh dih i a pakhat nak Korea holh in lehmi NT cu a chuah. European pawl nih Mirang sianginn zong Seoul ah an rak dirh piak ve hna. Cu hle ah, Korea nih hin a lo ngaimi le cawnawk ah a ol ngaimi Alphabet hna kha King Sejeong nih 1446 ah an mah holh in arak tuahpiak hna.

II. Alian Nganmi T`hanghnak
1907– 1910 ah hin tthanghphawknak voi 2 a rak um.

  1.   A voi khatnak thanghphawknak cu 1907 ah a cangmi “The Great Revival Movement” timi a si. Mah lio hi Korea church tuanbia a lehthal biknak a rak si. Thanghphawknak cu Kum 1907 january thla, Pyong Yang ah pehzul tein Bible Training conference nihra chung an tuahnak in a thok.  Cun khulrang ngai in an miphun vialte sin ah cu tthanghnak cu a ka Mipi vialte cu lungthin kekkuai in thlacamnak an ngei i thianhlimnak le nunthar  nun an ngeih khawh nak hnga ding ca ah an sualnak vialte an a rak i phuang dih. Cuticun an conference chung paohpaoh cu sualphuannak in a khat. Conference a dih in anmah le an khua cio ah tette an vun khan tthan tik ah kha bantuk thiamthiam in thanghphawknak cu aum tthan. Cuticun kum 1908 hlan chung paoh cu Khrihfami sianginn le College kip ah nu le pa he thanghphawknak ngan pi a tlung. Missionary pawl nih 1905 hrawng ah Khrihfa 12,500 hrawng an um an ti. Asinain 1907  ah cun 39,613 an si i, a donghnak ah cun minung 200,000 tiang (kha lio an ram minung dihlak 1.5% tiang) kha an rak phan. Roy nih 1910 ah Protestant khrihfa 360,000 tluk hi Korea ah an um a ti. Mah nih a langhtermi cu zeitluk in dah a liannganmi thanghphawknak  Korea Khrihfabu ah a tlun ti hi a si. Missionary pawl nih an chunmang manh khawh lo tiang in a liannganmi le khuaruahhar thanghphawknak cu minung tampi cung ah cun a tlung.
  2. A voi hnihnak tthanghnak cu 1909-10 ah a cangmi “Million Movement” timi a si. Mah cu     cawlcanghnak Methodist Missionary minung pathum hna nih a rak thokmi a si. Hi an rianttuannak cu “Two hundrend souls for Christ” tiah kum 1909, Sempterber thla i Southern Methodist Mission Annual Meeting tuahnak in an cohlanmi a si. Mah an meeting hnu cun Seoul ah “General Council of Evangelical Mission”  an tuah i W.T. Reid le Missionary pathum hna nih an chunmang manhmi bantuk in “ Million of Souls Movement” – Million in zumtu thar kan sernak” hna lai timi cu an vun thok khawh.  Mah hi zohchun in Clark nih cun kum 1897-1906 tiang hi Khrihfabu dir caan a si, cun 1907-11 hi tthanghphawk le thancho or karhcho caan a si ti ah a cauk ah aa tial. 
Cat`ialtu:Saya Pum Hon Thang