• Holhrel thiam ngai ṭung, nun le tuahsernak um ṭung lo ahcun upat hmaizahnak nih cun a kan kaltak ko lai.
  • Chim ning in tuah lo cu lih chim he aa khat. A caan zong upat lo ahcun daithlan nih a zulh colh. Cu bantuk cu hohmanh nih an upat kho bal lai lo.
  • Zumh tlak sinak hi innchungkhar in aa thawk hmasa lai i hawikom le mi zapi sinah a luang lai. Cu tin na nun ahcun upat hmaizahmi na si hrimhrim lai.
  • Midang kha na upat hmasa i ṭha tein an chawnh hmasa ahcun nangmah kha upatmi na si ve hrimhrim lai. Naa uah-faih tuk i mi zei rel lo na hmanmi nih zei ah an ka rel ve lo ti kha i fiang.
  • Na ruah ning i thil a kal lo i soisel na ton lio na thinhun lioah khin na thin naa sum i dai tein na um kawh ahcun upat hmaizahmi na si ko lai.
  • Micheu cu mah lawng nun, hawi dang rem lo le mi ruahnak laak duh lo tbk pawl a hmangmi cu hohmanh nih an upat kho bal lai lo.
  • Sikaan a ngeimi si hi biapi tuk.Upatnak na co deuh hrim ko lai.
  • Mah rian a theimi si hi a biapi tuk. Na palhnak kha na palh ning tein ka palh na ti khawh i na chim ngam ahcun upatmi na si hrim lai. Na ṭhangcho tinak a si fawn.