Biadomhnak: CCF, Korea cu aluancia kum 12 ahkhan thawk a rak si i, nihin tiang Pathian dawtnak tangah himte le lumte in khua asa kho, i Korea ummi Chinmi hna a kan funtu Fellowship a si. Ahlan ahcun Korea ah Chinmi hna tlawmte lawng rak phak arak si rih caah Chin Christian Fellowship tang ahcun CCWC ( Chin Christian Women Committee) dah tilo in Committe adang arak um rih lo. Sihmahsehlaw, Pathian dawtnak thawngin nikhat hnu nikhat in Korea ram ahcun Chinmi hna kan rak phan duahmah hna i, nihin ahcun CCF members kan dihlakte cu minung 140 lengkai kan si cang. Cu ahcun, Mino, Nubu, CE, Mission Board, tbk, in Committe pali um a si. Hi Committee hna lak ahcun Mino cu Chin Christian Youth Committe tiin tel a si ve.

CCYC Aa Thawhnak: CCYC cu January 2, 2014 ah CCF General meeting ah zapi hnathlaknak in dirhmi a si. Aa tinhmi cu; Mino kan zapi thlarau taksa in kan t`hancho nakding ah le lungkhat tein Khrihfabu cawlcanghnak ah a lamkip in a bawm khotu si ding hi a si. 
Cawl Canghning: Kumkhat ah voihnih lengchuah in pakhat le pakhat i hawikomnak kan tuah kho. Thla fatin thla donghnak zarh khi “Prayer and Worhsip Night” tiin mino siseh, Buupi kan dihlak tein thlacam t`inak kan ngei kho. Cun, Ca lei ah Senri Cazual zong thlafatin kan chuah. Korea ah Chinmi harsa in a ummi cu CCYC ah phaisa tlawmte cawi khawh a si. Pum damhnak caah thlathum ah voikhat mino hruainak in Buupi vialte Sport’s Day kan tuahpi kho hna.
CCYC riant`uantu hna cu atanglei bantuk hin an si: 
President- Nu Thin Hnem Sung
Vice President- Pa Van Ceu Hmung
Secretary: Pa Ni Chum Er
Ass. Secretary: Pa Bawi Cung Lian
Treasure: Nu Lal Nun Siami
Ass. Treasure: Nu Dim San Cing
Culture and Literature Leeader: Pa Vel Lian Hup
Music Leader: Pa Roland Van Lian Thawng
Multimedia Team Leader- Pa ChanBik Ceu le
Sport Leader: Pa Biak Hu Lian hna hi an si.

Bia donghnak: Nihin mino, Thaizing hruaitu rak ti a si nain, tuchan ahcun nithaizing mino zaanlei hruaitu ti a si cang. Chan tiluan khulrang tuk in a kal bantukin Chin mino kan dihlakte zong zei huaha lo ah kan t`lau sual hnga ti hi thinphan a um. Pathian kan theih hngalh lo ahcun hi vawlei ahcun t`lau a foi tuk caah mino hna nih Pathian hi pakhatnak ah kan chiah awk a si. Chinmi a si i, Khrihfa a simi poah nih kan no lio tein Pathian ca le kan ram caah teima in t`uan izuam chin hna usih ti buin……….


CCYC President,
Thin Hnem Sung