Pu Ni Chum Er

Aa Thawknak le Tinh mi:
2005 kum ah Lai Christian Fellowship (LCF) cu Chin Christian Fellowship (CCF) ah run thlen a si i Fellowship le Committee tete zong run ser a si. Cu committee chung ahcun Culture & Literature Committee (CLC) zong aa tel ve. 2015 January 2 ni ah CLC nih a voi khatnak EC meeting a tuah i Korea um Laimi nih kan ca, kan holh a ṭhacho nakhnga le Korea um Laimi nih vawleicung thawng, kan ram thawng, kanmah thawng fawi deuh in kan theih khawh nakhnga ca ah cazual cu thla khat voi hnih chuah ding in aa hmaithlak colh. CLC biachahnak cu CCF EC ah rak chuahpi a si i cohlan hnu ah 2015 March 12 ni ah a voi khatnak Senri Cazual cu A4 tlapkhat in a rak par kho.

A Min: Korea um Laimi nih a sannak hmun in Senri Par bang khuacuanh ve ding in cazual cu Senri cazual tiah a min ah rak sak a si.

Tawlreltu: 2005 CLC President hi Pu Ṭuan Sang a rak si i amah nih Editor cu a rak ṭuan i Pu Ni Chum Er, Saya Van Biak Cung, Pu Chan Bik Lian nih an rak bawmh.

2005 lio ah hin PC cafe lawnglawng ah internet hi rak hman khawh a si. Senri cazual zuar man in hmuhmi tangka nakin PC cafe kalnak i hmanmi tang ka hi tam deuh a rak dih i editor te nih an zal chungin an rak chuah tawn. PC cafe man hi a rak fak ngai i Pi Ngun Si nih a inn ah Senri Cazual chuahnak ah computer le internet cu free in a rak hmanter hna i Cazual cu thla khat ah voi hnih in caan hman t in an rak chuah khawh lengmang. Cazual man cu won 500 in rak hauh a si. Senri cazual cu voikhat chuah ah 35 te lawng chuah a rak si i CCF member zong 35 hrawng lawng an rak si ca ah pa 20 te hna lawng rak zuar khawh a si nain tawlreltu zong nih lungtho tein zan khuadei thiang te khi an rak tawlrel lengmang.

2017 March in cun Senri Cazual zong a dawtu bawmhnak le dirhkamhnak thawngin kum 12 a rung tling ve cang.