Vawleicung ah zeidah a rang bik tiah in hal hna sehlaw zeidah naa thim hnga? Arang bikmi cu caan hi a si lai dah. A ruang cu, atu suimilam t`em te i kan tuahmi hi suimilam pakhat hnu ahcun tuanbia ah an cang i kirh t`han duh len zong ah kirh awk t`ha lo ah aa cang ko cang. Mah ca ah a si lai cu  motor  zong ah khin a hnulei zohnak i thlalang an chiahmi khi  hmailei i thlalang an chiahmi zohnak nak in a faat deuh nak khi a si hnga mw? Cucaah cun Kan lenh takmi nun lam kha fak tuk in cuan ti lo in, kan hmailei i a cang dingmi tu khi fak deuh in cuanh khawh i zuam hna usih.  A tu bak te i kan tuahmi kha rem tthipttep te in tuah khawh i zuam hna usihlaw,  vun cuanh t`han tikah chiarnak ngei lo tein tuah khawh i zuam hna usih. 

Minung tampi nih kan ruah palh tawnmi cu dawnh hlei cung i minung tampi hmai biachim le ramkhel rian va t`uan te pawl lawng khi ram dawt le miphun ca ah rian t`uan ah kan ruah t`heu tawn. Mino hna zong nih kan t`uan khawhmi a um ve ko. Cucu zei dang a si lo mino kan si lio kan zaang a tthawn lio ah,  kan umnak hmun kipah thazaang in kan tuah khawhmi ah t`an lak i zaanghlei caw  zong khi ram dawt le miphun dawt cu a si ve ko. Kan thazaang g um lio ahhin kan CCF, Chin House le kan miphun ca ah kan zaang ze ruam hlah seh tiah sawm kan duh hna.
Senri Cheif Editor,
Thomas Van Nawl Bik