Kum 50 cung a si cangmi nih cun Exercise hi voi khat tuah ah a tawk zafang hrawng tuah in zarh khat ah voi tam nawn tuahpiak khawh ahcun kan pum lawng siloin kan ruahnak a ṭhawnter ngaingai. Cu lawng si loin caan hmaante exercise tuahnak nih ruahnak le thil cinken khawhnak (memory skills) a ṭhatter deuh tiah hlathlaitu siangngakchia 39 nih an hmuh chuah. Hihi a tuah tawnmi hna nih a hmaanmi si ko tiah an chim.

Exercise hi kan pum le kan ruahnak ca ah cun kum zeizat ca hmanh ah a phu zungzal tiah Australian hlathlaitu hna nih an chim. Cun, exercise kip tuah aa harmi, a bik in kum 50 cunglei a si cangmi hna ca ah cun T’ai Chi timi exercise phun khat hi a ṭha bik ( T’ai Chi timi cu Tuluk ram in a rami a si i hmuansam tein pum thawn i tuahmi exercise phun khat a si) tiah Britist Journal of Sports Medicine nih an chim.

Takpum cawlcanghternak nih hin zei maw cancer pawl le zun thlum zawtnak phun hnih telh in zawtnak tampi a zorter. Cucu kan kum laifang hrawng kan vun luh hin kan thluak rianṭuannak nih a rak kham hna tiah zumh a si. Cun, ruahnak a um ṭhanmi cu exercise tuahnak thawngin kan thahri nih kan thluak le kan takpum ṭhen khat pehtlaihnak kha a sersiam lawng si loin thazaang a pe khotu rawl, oksizen dah (oxygen) le thi kal ning kha ṭha tein supply a tuah tik ah ngandamnak a chuahpi.

A hlan deuh ah analysis an tuah i, the University of Carberra in hlathlaitu hna nih zarh li chung an zoh hnu ah thluak lei rianṭuan ning kha a puitlingter tiah an ti. Thluak lei hneksaknak an tuahmi chungin an hmuh mi cu aerobic exercise tuahnak nih hin hngalhnak a ṭhawnter. Cu pawl cu khuaruahnak (thinking), carelnak (reading), hngalhnak (learning) le hmailei kong ruahnak (reasoning) a ṭhatter tik ah executive functions tiah an auh. A fawinak in kan chim a si cun aerobic exercise nih hin kan pum chung thil-ri pawl kha ṭha tein rian a ṭuanter.

Ref. BBC